السلام عليكم
كيف حالكم .. شخباركم؟
والله انه نفسيتي انقفلت من موقع الاستضافة اللي حجزت فيه Surpass
مصدومة من اللي يصير لي .. قاعدة البيانات ماهي راضية تشتغل خير شر .. كارهتني .. المهم انا في الاسبوعين اتنكدت .. يعني الواحد إذا استضاف في المجاني مرتاح ولا في المدفوع؟؟؟؟!!!! .. انا اخترت هالاستضافة لإنها تقدم خدمة خيالية .. ودعم فني مذهل .. لكن الحظ العاثر .. الحظ المايل .. والله بالمرة قرفت .. وصدقوني ما نسيت ولا احد فيكم يالبلرجرز.. ولا نسيت مدونتي .. بس سدة النفس ..

يالله ربي يوفق الجميع .. والله يعين على هالورطة اللي وقعت فيها ..

اعذروني يالبلجرز .. والله شوي بنشغل على الدومين الجديد الخاص بي ..( وأخيراً) وراح يكون مختلف كلياً لإنه موقع وليس بلج فقط ..بس يبغالي اشتغل على الواجهة الجديدة والمحتويات .. لإني بضيف وبحذف أقسام .. والجاليري راح يكون فيه إمكانية التعليق والتصويت .. واتمنى من الله إنه يعينني على إتمامه .. وفي بعد كم مشروع في قائمة تفكيري .. ومن هذه المشاريع أفكر في عمل استديو للتصوير وبعد اشتغل على تصاميمي بحيث تكون لوحات للجدران يعني بوسترات تقريبا .. بس ينقصني الخبرة .. والمشكلة إنه هالمجال شبه معدوم (يعني اقصد التتخصص فيه) .. فبإذن الله اعتمد على نفسي بس والله يبيلها شغلة (نوع الطابعة,توفرها, الورق, الجودة..الخ) ..والاستديو نفس الموضوع ..والله احس إنه هرجي كثر .. .. بس إذا في ابديتس راح احط انشالله بس انا حبيت اطلعكم على بعض التطورات والافكار اللي تسبح في عقلي .. << حشى قاعدين في منتجع حنّا .. ..

بس فيه شغلة مدري تنصحوني بالـWordpress أوCuteNews .. مع إني مجربة الـCN وطيب معاي .. والجاليري محتارة بين 4images أو Coppermine Photo Gallery مع إنى أفضل الأول ..

وبغيت أسئلكم .. انا في خلال الأسبوعين الفائتة .. عطيت وقتي للفلاش .. طبعاّ أفهم فيه بس شوي يبغاله صبر .. فأبي أسئلكم تفضلون المواقع الفلاشية أو بدون؟

لا من جد كثر الهرج .. يالله أشوفكم على خير ..

كتبت هالبوست .. حبيت فيه أسلم عليكم .. وأقولكم إنه الحمدلله انفكيت من الاختبارات .. بس مصيرنا راح ترجع .. انشالله بس تكون النتايج زينة .. خصوصاً بعد هالواجهة ما اشتغلت .. لول..

I would say hi .. I thank my God .. exams finished .. (but it will back :-/..) .. so mu hope .. all have fun .. thanks ..